Home Health news 70 வயசானாலும் கண்பார்வை மங்காமலே இருக்கணுமா?

70 வயசானாலும் கண்பார்வை மங்காமலே இருக்கணுமா?

இந்த கண் பார்வையை கெடாமல் வைத்திருக்க சில உணவுகளை அவ்வப்போது சாப்பிட வேண்டும். அவ்வாறு கண் ஆரோக்கியத்தை பேணிக்காக்க உதவும் உணவு வகைகள் குறித்து இங்கு வரிவாகவும் தெளிவாகவும் காண்போம். கண்கள் ஆரோக்கியம் என்று கூறினாலே, உடனே நம் நினைவுக்கு வருவது கேரட் தான். கேரட்டில் உள்ள பீட்டா கரோட்டீன் வேதிப்பொருள், கல்லீரலில் வைட்டமின் ஏ ஆக மாறி, கண்களின் ஆரோக்கியத்திற்கு துணைபுரிகிறது. கண் பார்வை சிறந்து விளங்க, கேரட்டை தவிர்த்து இன்னபிற சில உணவு வகைகளும் நமக்கு உதவுகின்றன. அவை ஒவ்வொன்றையும் விரிவாக காண்போம்.

​கீரைகள்

பச்சை இலைகள் கொண்ட கீரைகள், நமது கண்களை அதிக பிரகாசம் கொண்ட ஒளிகளில் இருந்து காப்பதோடு மட்டுமல்லாது, பார்வைத்திறனுக்கு பாதிப்பு வராமல் தடுக்கிறது. பச்சை கீரைகளில் உள்ள ஆன்டி ஆக்சிடண்ட்களான ஜியாஷாந்தின் மற்றும் லுடீன், ரெட்டினாவை ( கண் விழித்திரை) வலுப்படுத்த உதவுகிறது. கண்பார்வை குறைபாடு உள்ளவர்களுக்கு கீரைகள் இனிய வரப்பிரசாதமாக அமைந்துள்ளது. ஆன்டி ஆக்சிடண்ட்கள் நிறைந்த கீரைகளை நாம் தொடர்ந்து சாப்பிட்டு வந்தால், கண் பார்வை உள்ளிட்ட கண் சார்ந்த பாதிப்புகளில் இருந்து நம்மை பாதுகாத்துக் கொள்ளலாம்.

​பாதாம்

பாதாம் கொட்டைகள் உள்ளிட்ட கொட்டைகளில் நம் உடலுக்கு தேவையான சத்துக்கள் அதிகளவில் உள்ளன. இவைகளில் கால்சியம், மெக்னீசியம், இரும்புச்சத்து, புரதம், கார்போஹைட்ரேட்ஸ், பொட்டாசியம், வைட்டமின் பி , ஒமேகா 3 கொழுப்பு அமிலங்கள் அதிகமாக உள்ளன. நாம் நீண்டகாலம் நல்ல உடல் ஆரோக்கியத்துடன் இருப்பதற்கு இந்த ஊட்டச்சத்துக்கள் அவசியமாகின்றன.

READ MORE >>>  வெட்டிவேர் என்றால் என்ன? வெட்டிவேரின் மகத்துவம் என்ன

பாதாம் கொட்டைகளில் இத்தகைய சத்துகளுடன் நம் உடல் திசுக்களை பாதிக்கும் அபாயகரமான ப்ரீ ரேடிகல்களை தாக்கி அழிக்கவல்ல சிறந்த ஆன்டி ஆக்சிடண்டான வைட்டமின் இ உள்ளது.

கண்ணில் கேட்ராக்ட் உள்ளிட்ட பார்வை குறைபாடு பிரச்சினைகளை, வைட்டமின் இ தீர்க்கவல்லது…

​சிவப்பு மிளகு

நமக்கு எப்பொழுதெல்லாம் ஜலதோஷம் பிடிக்கிறதோ, அப்போதெல்லாம், நம் கண்களில் நீர் வடியும் ( இதுவும் ஒருவிதத்தில் நல்லது தான்) சிவப்பு மிளகினால் தொண்டையில் எரிச்சல் ஏற்படுவது உண்மைதான். இந்த சிவப்பு மிளகில் சிறந்த ஆன்டி ஆக்சிடண்டான வைட்டமின் சி உள்ளிட்ட அத்தியாவசிய சத்துக்கள் அதிகம் உள்ளன.

சளி, காய்ச்சலுக்கு வைட்டமின் சி தீர்வு அளிக்கிறது என்பது நாம் அனைவரும் அறிந்தது தான். இந்த வைட்டமின் சி, கண்ணின் கார்னியா பகுதியில் உள்ள தொடர்பு திசுக்கள் உருவாக்கம் மற்றும் பாதுகாப்பதில் முக்கிய பங்கு வகிக்கிறது. கண்ணின் ரெட்டினா பகுதியில் உள்ள ரத்த நாளங்களை வலுப்படுத்தவும் வைட்டமின் சி உதவுகிறது.

​முட்டைகள்

முட்டை ஒரு அற்புதமான உணவு ஆகும். வேகவைத்த ஒரு முட்டையில், கால்சியம், மெக்னீசியம், இரும்புச்சத்து, வைட்டமின் ஏ, டி, பி12 உள்ளிட்டவைகள் உள்ளன. இவை நமது உடலுக்கு நன்மை பயப்பது மட்டுமல்லாது கண்களின் ஆரோக்கியத்திற்கும் பயன்படுகின்றன.

கீரைகளில் உள்ளது போன்றே, முட்டையிலும் கண்களின் பாதுகாப்பிற்கு உதவும் ஜியாஷாந்இன், லுடீன் ஆன்டி ஆக்சிடண்ட்கள் உள்ளன. முட்டையின் மஞ்சள் கருவில் உள்ள லுடீன், கண்ணில் ஏற்படும் மாகுலர் சிதைவை தடுக்கிறது. ஜியாஷாந்தின், புறஊதா கதிர்களிடமிருந்து கண்களை பாதுகாக்கிறது. கண்கள் பாதுகாப்பில் அதிக அக்கறை கொண்டவர்கள், நாள்தோறும் ஒரு முட்டையை சாப்பிட்டு வருவது மிகவும் நல்லது.

READ MORE >>>  சர்க்கரை நோயாளிகளின் நண்பன் கொய்யா இலை

​மீன்கள்

கண்கள் பாதுகாப்பிற்கு வைட்டமின் ஏ, சி மற்றும் இ மிக முக்கியமானது ஆகும். இதுமட்டுமல்லாது கொழுப்பும் மிக அவசியமான ஒன்றாகும்.

இத்தகைய சத்துகளை நாம் ஒருங்கே பெற மீன்களை அதிகம் எடுத்துக்கொள்ள வேண்டும். டுனா மற்றும் சால்மோன் மீன்கள் இறைச்சிக்காக பயன்படுத்தப்படுவது மட்டுமல்லாமல், அதில் ஒமேகா 3 என்ற கொழுப்பு அமிலங்கள் அதிகளவில் உள்ளன. இந்த ஒமேகா 3 கொழுப்பு அமிலங்கள், நமது உடலில் உள்ள அனைத்து ரத்த குழாய்களையும் ( குறிப்பாக கண்களில் உள்ள ரத்த குழாய்கள்) வலிமையாக இருக்க உதவுவதோடு மட்டுமல்லாது அவைகளை பாதுகாக்கவும் உதவுகின்றன. கண்களின் உள்ளே உள்ள உள்விழி திரவத்தின் சமநிலையை பாதுகாப்பதோடு, கண்களை அதிகம் பாதிக்கும் உலர் கண் நோய் மற்றும் குளுகோமா உள்ளிட்ட பாதிப்புகளில. இருந்து நம்மை காக்கிறது.

என்ன நண்பர்களே!! இந்த தகவலை படிச்சீங்களா மறக்காம ஒரு சார் பண்ணிட்டு போங்க.. மேலும் இது போன்ற செய்திகளை தொடர்ந்து படிக்க எமது jaffna7.com இணையத்திற்கு நேரடியாக வாங்க.