Home Tamil News குடியிருப்புப் பகுதியில் மருத்துவக் கழிவுகள் எரிப்பு: நொதேர்ன் உரிமையாளரிடம் தண்டப்பணம்

குடியிருப்புப் பகுதியில் மருத்துவக் கழிவுகள் எரிப்பு: நொதேர்ன் உரிமையாளரிடம் தண்டப்பணம்

யாழ்.பல்கலைக்கழகத்திற்கு அருகில் உள்ள காணிகளில் மருத்துவ கழிவுகள் உள்ளிட்ட கழிவுகளைக் கொட்டி எரியூட்டிய நொதேர்ன் தனியார் வைத்தியசாலை உரிமையாளருக்கு 7 குற்றச்சாட்டுக்களுக்கு எதிராக யாழ்.நீதிமன்று 70 ஆயிரம் ரூபாய் தண்டப்பணம் விதித்துள்ளது.

அத்துடன் தண்டப்பணத்தை கட்டத்தவறின் ஒரு மாத சிறைத்தண்டனை என மன்று தீர்ப்பளித்துள்ளது.

திருநெல்வேலி, பரமேஸ்வராச்சந்திக்கு அருகில் அமைந்துள்ள தனியார் வைத்தியசாலை ஒன்று, மருத்துவ கழிவுகள் உள்ளிட்ட கழிவுகளை , யாழ்.பல்கலைக்கழகத்திற்கு அருகில் அமைந்துள்ள தமக்கு சொந்தமான காணியில் கொட்டி, எரியூட்டிய நிலையில் அயலவர்களால், மாநகர சபை உறுப்பினர்களுக்கு அறிவிக்கப்பட்டதை அடுத்து, சம்பவ இடத்திற்கு மாநகர சபை உறுப்பினர்கள், சுகாதார பிரிவினர்கள் விரைந்து நடவடிக்கை எடுத்தனர்.

குறித்த சம்பவம் தொடர்பில் தனியார் வைத்தியசாலை உரிமையாளருக்கு எதிராக, யாழ்.மாநகர சபையின் சுகாதார வைத்திய அதிகாரியினால், யாழ். நீதிமன்றில் வழக்கு தாக்கல் செய்யப்பட்டது.

இந்நிலையில், நேற்றையதினம் குறித்த வழக்கு விசாரணைக்கு எடுத்துக்கொள்ளப்பட்ட போது,

1.பொதுமக்கள் குடியிருக்கும் பகுதியில் தொற்றுநோயைப் பரப்பும் வகையில் நோயாளிக்குப் பாவித்த மருந்து போத்தல்களை வீசியமை

2.தொற்றுநோயைப் பரப்பும் வகையில் நோயாளிகளினது Toilet pampers வீசியமை

3.தொற்று நோயை உருவாக்கும் வகையில் நோயாளிக்குப் பாவித்த ஊசிகளை வீசியமை

4. தொற்று நோயை உருவாக்கும் வகையில் நோயாளிக்குப் பாவித்த சேலைன் போத்தல்களை வீசியமை

5. தொற்று நோயை உருவாக்கும் வகையில் நோயாளிக்குப் பாவித்த இரத்த பரிசோதனை குப்பிகளை வீசியமை

6.சந்திர சிகிச்சைக் கையுறை மற்றும் அங்கிகளை வீசியமை

7. தொற்று நோயைப் பரப்பும் வகையில் றெஜிபோம் மற்றும் படுக்கை மெத்தைகளை வீசியமை ஆகிய 7 குற்றச்சாட்டுகள் முன் வைக்கப்பட்டன.

READ MORE >>>  ஊரடங்கு நீக்கப்பட்டாலும் ரயில் சேவைகள் இடம்பெறாது! - அரசாங்கம் அறிவிப்பு

அனைத்து குற்றச்சாட்டுக்களையும் வைத்தியசாலை உரிமையாளர் ஏற்றுக்கொண்டதனை அடுத்து, உரிமையாளரைக் கடுமையாக எச்சரித்த மன்று, ஒவ்வொரு குற்றத்திற்கு தலா 10 ஆயிரம் ரூபாய் வீதம் 70 ஆயிரம் ரூபாய் தண்டப்பணத்தை விதித்தது.

தண்டப்பணத்தை கட்டத்தவறின் ஒரு மாதகால சிறைத்தண்டனை அனுபவிக்க வேண்டும் எனவும் தீர்ப்பளிக்கப்பட்டுள்ளது.

ஏனைய தளங்களிற்கு செல்ல..

Previous articleஇளைஞர் குழுக்களுக்கிடையிலான வாய்த்தக்கம் கத்திக் குத்தில் முடிந்தது! மூவர் வைத்தியசாலையில்
Next articleதெஹிவளை கடற்கரையில் முதலையின் தாக்குதலுக்கு இலக்காகி , ஒருவர்உயிரிழப்பு