Home jaffna news யாழ். இணுவிலை சேர்ந்த இரட்டைக் குழந்தைகளை பிரசவித்த தாய் கொவிட் தொற்றால் உயிரிழப்பு!

யாழ். இணுவிலை சேர்ந்த இரட்டைக் குழந்தைகளை பிரசவித்த தாய் கொவிட் தொற்றால் உயிரிழப்பு!

இரட்டைக் குழந்தைகளை பிரசவித்த தாய் ஒருவர் கொவிட்-19 தொற்றினால் உயிரிழந்தார். யாழ்.  இணுவிலைச் சேர்ந்த 25 வயதான பெண்ணே இவ்வாறு யாழ்ப்பாணம் போதனா மருத்துவமனையில் உயிரிழந்துள்ளார்.

குழந்தைகள் இருவரும் யாழ்ப்பாணம் போதனா மருத்துவமனையில் மருத்துவக் கண்காணிப்பில் உள்ளனர்.

கடந்த 4 ஆம் குறித்த  பெண்ணுக்கு மூச்செடுப்பதில் சிரமம் ஏற்பட்டுள்ளது. அதனால் அவர் அன்றைய தினம் தெல்லிப்பழை மருத்துவமனையில் சேர்க்கப்பட்டுள்ளார். எனினும் அவர் மேலதிக சிகிச்சைக்காக யாழ்ப்பாணம் போதனா மருத்துவமனைக்கு மாற்றப்பட்டுள்ளார். அன்றைய தினமே அவருக்கு கொவிட்-19  தொற்று  உறுதிப்படுத்தப்பட்டுள்ளது.

இந்த நிலையில்  அவருக்கு  நேற்றுமுன்தினம் (08)  புதன்கிழமை ஆண் குழந்தை ஒன்றும் பெண் குழந்தை ஒன்றுமாக இரட்டைக் குழந்தைகள் பிறந்துள்ளன.

அதன்பின்னர் தாயாருக்கான சிகிச்சைகள் தொடர்ந்த நிலையில் நேற்று சிகிச்சை பயனின்றி உயிரிழந்தார்” என்று மரண விசாரணையில் தெரிவிக்கப்பட்டது.

மரண  விசாரணையை யாழ்ப்பாணம் போதனா மருத்துவமனை திடீர் மரண  விசாரணை அதிகாரி நமசிவாயம் பிரேம்குமார் முன்னெடுத்தார். சடலம் உடற்கூற்றுப் பரிசோதனையின் பின்னர் சுகாதார முறைப்படி தகனம் செய்ய அனுமதிக்கப்பட்டது.

என்ன நண்பர்களே!! இந்த தகவலை படிச்சீங்களா மறக்காம ஒரு சார் பண்ணிட்டு போங்க.. மேலும் இது போன்ற செய்திகளை தொடர்ந்து படிக்க எமது jaffna7.com இணையத்திற்கு நேரடியாக வாங்க.

READ MORE >>>  தான் நலமாக இருப்பதாக புகைப்படத்தை வெளியிட்டார்; அஜித் ரோஹண!
Previous articleகொவிட் மரணத்தால் ஏற்பட்ட குழப்பம்; நீதிமன்றம் பிறப்பித்துள்ள உத்தரவு.
Next articleஉள்ளாடைகளை அணியாமல் தியாகம் செய்யவும்; அசோக அபயசிங்க!