Home Local news அரச வாகனங்கள் தொடர்பான தகவல்கள் பிரதமரால் அமைச்சரவையில் சமர்ப்பிப்பு!

அரச வாகனங்கள் தொடர்பான தகவல்கள் பிரதமரால் அமைச்சரவையில் சமர்ப்பிப்பு!

அரசாங்க நிறுவனங்களுக்குச் சொந்தமான வாகனங்கள் தொடர்பான தகவல்கள் உள்ளடங்கிய அறிக்கை ஒன்று பொருளாதார கொள்கைகள் மற்றும் திட்டங்களை நடைமுறைப்படுத்தும் அமைச்சரான பிரதமர் மஹிந்த ராஜபக்க்ஷவினால் அமைச்சரவையின் கவனத்துக்காக சமர்ப்பிக்கப்பட்டுள்ளது.

அதற்கமைய அமைச்சுக்கள் உள்ளிட்ட அரச நிறுவனங்கள், அரச வணிக நிறுவனங்கள், மாகாண சபைகள் மற்றும் உள்ளூராட்சி மன்றங்களிடம் காணப்படும் வாகனங்கள் 82,194 ஆகும். அவற்றில் 76,661 வாகனங்கள் உபயோகிக்கப்படுவதுடன் 5,533 வாகனங்கள் இயங்கு நிலையற்றதாகக் காணப்படுகிறது.

இயங்கு நிலையிலுள்ளவற்றில் 33,931 வாகனங்கள் அமைச்சுக்கள் உள்ளிட்ட அரச நிறுவனங்களிடமும், அரச வணிக நிறுவனங்களிடம் 26,395 வாகனங்களும், மாகாண சபைகள் மற்றும் உள்ளூராட்சி மன்றங்களிடம் 16,335 வாகனங்களும் காணப்படுகின்றன.

அவ்வாறே, அரச நிறுவனங்களிலுள்ள சிரேஷ்ட உத்தியோகத்தர்கள் 8,500 பேருக்கு மாதாந்தக் கொடுப்பனவு வழங்கப்பட்டு அவர்களின் பிரத்தியேக மோட்டார் வாகனங்களுக்கு உத்தியோகபூர்வ போக்குவரத்து வசதிகளை ஏற்பாடு செய்து கொள்வதற்காக அனுமதி வழங்கப்பட்டுள்ளது.

பிரதமரால் சமர்ப்பிக்கப்பட்ட மேற்படி தகவல்களைக் கருத்தில் கொண்டு தற்போது இயங்கு நிலையில் அல்லாத வாகனங்களில் திருத்தம் செய்யக்கூடிய வாகனங்களைத் துரிதமாக திருத்தம் செய்து பாவனைக்கு உட்படுத்தவும், திருத்தம் செய்ய முடியாத வாகனங்களை முறையான பெறுகைக் கோரலை பின்பற்றி தாமதிக்காமல் அகற்றுவதற்கும் அமைச்சரவை தீர்மானித்துள்ளது.

என்ன நண்பர்களே!! இந்த தகவலை படிச்சீங்களா மறக்காம ஒரு சார் பண்ணிட்டு போங்க.. மேலும் இது போன்ற செய்திகளை தொடர்ந்து படிக்க எமது jaffna7.com இணையத்திற்கு நேரடியாக வாங்க.

READ MORE >>>  இலங்கையில் தயாரிக்கப்பட்டுள்ள மின்சார முச்சக்கர வண்டி; விரைவில் அறிமுகம்!
Previous articleகிணற்றை காணவில்லை பாணியில் திருமலை வைத்தியசாலையில் ஒரு சம்பவம்!
Next articleகொவிட் தொற்றாளர்கள் அதிகளவு நீரை பருக வேண்டும்.