Home Local news 3 வாரங்களுக்காவது நாடு முடக்கப்பட வேண்டும்; விசேட வைத்திய நிபுணர் நிஹால் அபேசிங்க.

3 வாரங்களுக்காவது நாடு முடக்கப்பட வேண்டும்; விசேட வைத்திய நிபுணர் நிஹால் அபேசிங்க.

தடுப்பூசியைப் பெற்றுக் கொள்ளாத 60 வயதுக்கு மேற்பட்ட நபர்கள் ஏனையோரை விட தொற்றுக்கு உள்ளாகும் வீதம் 9 மடங்கு அதிகமாகும் என்று ஆய்வுகளில் உறுதிப்படுத்தப்பட்டுள்ளது.

எனவே 60 வயதுக்கு மேற்பட்டோர் தடுப்பூசியை புறக்கணிக்கக் கூடாது. எவ்வாறிருப்பினும் தடுப்பூசி வழங்குவது மாத்திரமே இதற்கான வழிமுறை அல்ல என்பதால் 3 வாரங்களுக்கேனும் நாடு முடக்கப்பட வேண்டும்.

முடக்கம் குறித்த தீர்மானத்தை அரசாங்கம் மீள்பரிசீலனை செய்ய வேண்டும் என்று தொற்று நோய் தொடர்பான விசேட வைத்திய நிபுணர் நிஹால் அபேசிங்க தெரிவித்தார்.

தேசிய மக்கள் சக்தி தலைமையகத்தில் இன்று ஞாயிற்றுக்கிழமை நடைபெற்ற ஊடகவியலாளர் சந்திப்பில் இதனைத் தெரிவித்த அவர் மேலும் குறிப்பிடுகையில் ,

60 வயதுக்கு மேற்பட்டோரில் முழுமையாக தடுப்பூசியைப் பெற்றுக் கொண்டவர்களையும் , ஒரு தடுப்பூசியைக் கூட பெறாதோரையும் கொண்டு முன்னெடுக்கப்பட்ட ஆய்வில் ஒரு தடுப்பூசியையேனும் பெறாத 60 வயதுக்கு மேற்பட்டோர் ஏனையோரை விட தொற்றுக்குள்ளாகும் வீதம் 9 மடங்கு அதிகமாகும் என்று உறுதிப்படுத்தப்பட்டுள்ளது.

எனவே 60 வயதுக்கு மேற்பட்டோர் தாமதிக்காமல் தடுப்பூசியைப் பெற்றுக் கொள்ள வேண்டும்.

எவ்வாறிருப்பினும் தடுப்பூசியைப் பெறுவது மாத்திரமே இதற்கான தீர்வு அல்ல. எனவே 3 வாரங்களாகவு நாடு முடக்கப்பட வேண்டும்.

அதன் ஊடாக 10 நாட்களின் பின்னர் தொற்றாளர்களின் எண்ணிக்கை , மரணங்களின் எண்ணிக்கை மற்றும் தொற்று பரவும் வீதம் என்பவற்றைக் கட்டுப்படுத்த முடியும் என்றார்.

என்ன நண்பர்களே!! இந்த தகவலை படிச்சீங்களா மறக்காம ஒரு சார் பண்ணிட்டு போங்க.. மேலும் இது போன்ற செய்திகளை தொடர்ந்து படிக்க எமது jaffna7.com இணையத்திற்கு நேரடியாக வாங்க.

READ MORE >>>  முள்ளிவாய்க்கால் நினைவு தூபி உடைப்பு ! நினைவு கல்லும் மாயம்
Previous articleயாழ். மாவட்டத்தில் 10 ஆயிரத்தைக் கடந்த கொரோனா தொற்றாளர்கள்;
Next articleபிக்குவின் வாகனத்திலிருந்து மதுபான போத்தல்கள் மீட்பு!