Home mannar news தலைமன்னாரில் காணாமல் போன 2 மீனவர்கள் மீட்பு: ஒருவர் மாயம்!

தலைமன்னாரில் காணாமல் போன 2 மீனவர்கள் மீட்பு: ஒருவர் மாயம்!

தலைமன்னார் பியர் கடற்கரை பகுதியில் இருந்து மீன் பிடிக்க கடலுக்குள் சென்ற மூன்று மீனவர்கள் காணாமல் போன நிலையில் அவர்களில் இரு மீனவர்கள் கடற்படையினரால் மீட்கப்பட்டனர்.

ஒரு மீனவர் காணாமல் போயுள்ளார்.

கடந்த வியாழக்கிழமை 14 ஆம் திகதி தலைமன்னார் பியர் மீன்பிடி துறையில் இருந்து கண்ணாடி இழைப்படகில் மூன்று மீனவர்கள் மதியம் 12 மணி அளவில் மீன் பிடிக்க கடலுக்குச் சென்றுள்ளனர்.

படகில் இருந்து வலையை விடும் சந்தர்ப்பத்தில் பலத்த காற்றின் காரணமாக கடல் சீற்றத்தால் படகு கவிழ்ந்துள்ளது.

இதன் போது மீனவர்கள் மூவரும் கடலில் வீழ்ந்து தத்தளித்துக் கொண்டு இருந்துள்ளனர்.

நீரில் மூழ்கிய படகைப் பிடித்தவாறு மீனவர்கள் நீண்ட நேரம் உயிருக்கு போராடிக் கொண்டிருந்த சந்தர்ப்பத்தில் நேற்று சனிக்கிழமை 16ஆம் திகதி மாலை மீன்பிடி தொழிலுக்காக வந்திருந்த இந்திய இழுவைப் படகின் உதவியுடன் இரண்டு மீனவர்கள் காப்பாற்றப்பட்டு கச்சதீவு கடற்கரையினை அண்மித்த தூரத்தில் இறக்கி விடப்பட்ட நிலையில் மீனவர்கள் கச்சதீவு கடற்படை தளத்தில் தஞ்சமடைந்துள்ளனர்.

இரு மீனவர்களையும் மீட்ட கடற்படையினர் சிகிச்சை வழங்கிய நிலையில், சக மீனவர்களிடம் ஒப்படைத்தனர்.

தலைமன்னார் கிழக்கு கேபிள் ஹவுஸ் பகுதியை சேர்ந்த ராஜி ஜெனாத் (வயது 27) மற்றும் ராஜ மூர்தி மோகன்ராஜ் ( 50).ஆகியோர் இவ்வாறு மீட்கப்பட்டுள்ளனர்.

மேலும் அதே பகுதியை வதிவிடமாக கொண்ட ராசதுரை ராஜசேகர் (52.)என்ற மீனவர் காணாமல் போயுள்ளார்.

மேலதிக விசாரணைகளை தலைமன்னார் பொலிஸார் மேற்கொண்டு வருகின்றனர்

Google News

ஏனைய தளங்களிற்கு செல்ல..

உங்கள் பிரதேச செய்திகளை இலகுவாக அறிந்துகொள்ள..
READ MORE >>>  மின்னல் தாக்கி சிறுவன் பலி
READ MORE >>>  தீவிரமடைந்த போராட்டம்! கண்ணீர் புகைக்கும் கலையாத கூட்டம் ; எவரும் கைது செய்யப்படவில்லை
Previous articleமலையாக உயர்ந்த எரிபொருள் விலைகள் கடுகளவாக குறைப்பு!
Next articleஇன்றைய ராசிபலன் – 18/07/2022, மிதுன ராசிகாரர்களுக்கு சிறப்பான நாள் இன்றாகும்