Home Local news யோகட், தேயிலை போன்ற ஏனைய உற்பத்திகளை வாங்குபவர்களுக்கு மட்டும் பால்மா விநியோகம்.

யோகட், தேயிலை போன்ற ஏனைய உற்பத்திகளை வாங்குபவர்களுக்கு மட்டும் பால்மா விநியோகம்.

மட்டக்களப்பு மாவட்டத்தில் கடந்த சில தினங்களாக சிறிய அளவில் இருந்து வந்த பால்மாவுக்கான தட்டுப்பாடு, தற்பொழுது முற்றுமுழுதான தட்டுப்பாட்டு நிலைமைக்கு வந்துள்ளதாக நுகர்வோர் தெரிவிக்கின்றனர்.

மாவட்டத்திலுள்ள மொத்த வியாபார நிலையங்கள் பல்பொருள் அங்காடிகள் சிறிய கடைகள் உட்பட அனைத்து வியாபார நிலையங்களிலும் முழு ஆடைப்பால் மா வகைகளுக்குத் தட்டுப்பாடு ஏற்பட்டுள்ளது.

எனினும், ஒரு சில வர்த்தக நிலையங்களில் பால் மா தயாரிப்பு நிறுவனங்களின் தயாரிப்புகளான யோகட் மற்றும் தேயிலை வாங்கினால் அந்த நிறுவனங்களின் பால்மாக்களை வாங்கக் கூடியதாக உள்ளது என பொதுமக்கள் தெரிவிக்கின்றனர்.

கொழும்பிலிருந்து பால் மா விநியோகிக்கும் கம்பனிகள் பால்மா வரவில்லை எனத் தெரிவித்து, பால்மா விநியோகத்தை நிறுத்தியுள்ளதாக வர்த்தகர்கள் தெரிவிக்கின்றனர்.

இருந்த போதிலும் சில நிபந்தனைகளுடன் சில பால்மாக்களை விநியோகிப்பதாக அந்தக் கம்பனிகள், வர்த்தகர்களிடம் தெரிவித்திருந்தபோதும் தாம்  அந்த நிபந்தனைகளை ஏற்றுக்கொள்ளவில்லை எனவும் சில வர்த்தகர்கள் தெரிவிக்கின்றனர்.

பால் மா விநியோகிக்கும் ஒரு சில கம்பனிகள்  தமது வேறு தயாரிப்புக்களையும் பால்மாவுடன் சேர்த்து விற்குமாறும் அதன்போதே பால் மாவை வழங்குமாறும் கேட்டுள்ளன என்றும் வர்த்தகர்கள் தெரிவிக்கின்றனர்.

குறிப்பாக, பால் மா விநியோகிக்கும் கம்பனியின் யோகட் மற்றும் தேயிலை போன்றவற்றை வாங்கினால் கூடவே பால் மாவை வாங்க முடியும் என்றும் தெரிவிக்கப்படுகின்றது.

இவ்வாறான நிலையில் பால் மாவை வாங்கிப் பருக முடியாது பொதுமக்கள் பெரிதும் விசனம் தெரிவிக்கின்றனர்.

Google News

ஏனைய தளங்களிற்கு செல்ல..

உங்கள் பிரதேச செய்திகளை இலகுவாக அறிந்துகொள்ள..
Previous articleகடந்த 10 நாட்களில் 591 பேர் பலி; 21344 தொற்றாளர்கள் அடையாளம்.
Next articleசடுதியாக அதிகரிக்கும் கொவிட் மரணங்கள்; இன்றும் 94 பேர் மரணம்