Home திருகோணமலை செய்திகள் காதலனை திட்டியதால் 18 வயது யுவதி எடுத்த விபரீத முடிவு!

காதலனை திட்டியதால் 18 வயது யுவதி எடுத்த விபரீத முடிவு!

தான் காதலித்து வந்த நபரை வீட்டார் திட்டியதன் காரணமாக, 18 வயது யுவதி தற்கொலை செய்து கொண்ட சம்பவமொன்று திருகோணமலையில் பதிவாகியுள்ளது.

திருகோணமலை உப்புவெளி காவல்துறை பிரிவுக்குட்பட்ட பகுதியில் நேற்றிரவு (27) இச்சம்பவம் இடம்பெற்றுள்ளது.

காதலித்து வந்த இளைஞன் சரியில்லை என தாயார் தனது மகளுக்கு அறிவுரை கூறியதையடுத்து இச்சம்பவம் இடம்பெற்றுள்ளதாக விசாரணைகளின் ஊடாக தெரியவந்துள்ளது.

இவ்வாறு உயிரிழந்த யுவதி அலத்தோட்டம் – ஆனந்த விநாயகர் வீதியில் வசித்து வரும் 18 வயதுடைய சிவக்குமார் கீர்த்தனா எனவும் தெரியவந்துள்ளது.

தூக்கில் தொங்கிய நிலையில் கிடந்த யுவதியை திருகோணமலை பொது வைத்தியசாலைக்கு கொண்டு சென்ற போது அவர் உயிரிழந்த நிலையில் காணப்பட்டதாகவும் வைத்தியசாலையின் பேச்சாளரொருவர் தெரிவித்துள்ளார்.

குறித்த மரணம் தொடர்பில் விசாரணைகள் இடம்பெற்று முடிவடைந்த பின்னர் உறவினர்களிடம் சடலத்தை ஒப்படைக்க உள்ளதாக தெரிவிக்கப்படுகிறது.

சம்பவம் தொடர்பான மேலதிக விசாரணைகளை உப்புவெளி காவல்துறையினர் முன்னெடுத்து வருகின்றனர்.

video

Google News

ஏனைய தளங்களிற்கு செல்ல..

உங்கள் பிரதேச செய்திகளை இலகுவாக அறிந்துகொள்ள..
Previous articleசாதனை படைத்த வீராங்கனைகளுக்கு உற்சாக வரவேற்பு
Next articleயாழ் போதனா வைத்தியசாலையில் நோயாளியை பார்க்க சென்றவர் மீது பாதுகாப்பு உத்தியோகத்தர்கள் தாக்குதல்!