Home Local news ஐஸ் போதைப்பொருளுடன் 24 வயது பெண் கைது

ஐஸ் போதைப்பொருளுடன் 24 வயது பெண் கைது

இந்தியாவிலிருந்து மன்னாருக்கு கடத்தி கொண்டுவரப்பட்டு வீட்டில் மறைத்து வைக்கப்பட்டிருந்த சுமார் ஒரு கோடி ரூபாய் பெறுமதியான ஐஸ் போதைப்பொருள் வைத்திருந்த 24 வயதான பெண் ஒருவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

இது குறித்து பொலிஸ் ஊடகப்பிரிவு மேலும் தெரிவிக்கையில்,

”மன்னார் – பேசாளையில் உள்ள வீடொன்று பொலிஸ் போதைப் பொருள் தடுப்பு பிரிவினருக்குக் கிடைக்கப்பெற்ற இரகசிய தகவலுக்கு அமைவாக முற்றுகையிடப்பட்டது.

வீட்டை சோதனையிட்ட போது அலுமாரியில் மிகவும் சூட்சமமான முறையில் மறைத்து வைக்கப்பட்டிருந்த சுமார் ஒரு கோடிக்கும் அதிக பெறுமதியான ஒரு கிலோ 240 கிராம் நிறையுடைய ஐஸ் போதைப் பொருள் மீட்கப்பட்டுள்ளது.

ஐஸ் போதைப்பொருள்

அத்துடன் குறித்த வீட்டிலிருந்து 24 வயதுடைய பெண் ஒருவரும் கைது செய்யப்பட்டுள்ளார்.

இவ்வாறு கைப்பற்றப்பட்ட ஐஸ் போதைப் பொருள் இந்தியாவிலிருந்து கடல் மார்க்கமாக தலைமன்னாருக்கு எடுத்து வரப்பட்டுள்ளது.

இச்சம்பவம் தொடர்பான மேலதிக விசாரணைகளுக்காக பொலிஸ் போதைப்பொருள் தடுப்பு பிரிவினரால் கைது செய்யப்பட்ட சந்தேகநபர் பேசாலை பொலிஸாரிடம் ஒப்படைக்கப்பட்டுள்ளார்” என தெரிவித்துள்ளது.

Google News

ஏனைய தளங்களிற்கு செல்ல..

உங்கள் பிரதேச செய்திகளை இலகுவாக அறிந்துகொள்ள..
Previous articleகுடும்பஸ்தர் தூக்கிட்டு தற்கொலை – செங்கலடியில் சம்பவம்
Next articleசாய்ந்தமருதை சேர்ந்த மூன்று பிள்ளைகளின் இளம் தாயை காணவில்லை